هلوسة قد مافيك هلوس

بما انو هالوطن الكبير (بعدي اسمو) جامعنا كلنا , ويلي بيمتد من بيت جارنا أبو محمد لبيت جارنا أبو بطرس , ومن بيت جارنا أبو علي لبيت جارنا أبو يوشع , وبما انو بيحمل تحت جناحو المتدين والملحد , الذكي والغبي , الغني والفقير , الشريف والحرامي , الرأسمالي والإشتراكي , بما انو فيه كنيسة وجامع, معلم وشغيل , دار ومقر عام , سيارة موديل 2010 وبسكليت موديل ألف وتسعمية وخشبة , بما انو فيه أنا وانت , وانت وهداك , وهداك وهادا , بما انو فيه تناقض بما فيه الكفاية , وبما انو كلشي نضيف , وبما انو شفنا عفيف , قلي كزدر مرتك فوراً وارخي ابنك عالرصيف , وبما انو شغلي خفيف , والحالة مش عارف كيف , قلت بنزّل مرتي وبنزل وابني بيفلت عالرصيف , وبما انو العيشة صعبة ومش هينة , اجتمعنا واتفقنا وهيينا , الخفيف , العنيف , للربيع , للخريف , وبما انو العيشة سودا ومش بيضا , اجتمعنا وقررنا نسلق بيضة , شي مغذي , شي خفيف , شي مطمئن , شي مخيف , النا ساعة عرفت كيف , عم نحكي وما فهمت كيف , يو إنو أنا مش عم فهم , يو إنو فهمك خفيف .

طيب لح احكي شوي شوي , ما حدا جاي عبالو يدردش شوي ؟؟ , أو يهلوس شوي مثلاً ؟؟ , شوي أو كتير ما فرقية بيناتنا , مافي أحلى من الهلوسة , إنو حدا منكم جرب يهلوس ؟؟ , أنا جربت ما هلوس , بصراحة تعبت كتير , فإنو خلينا نهلوس , وهلوس عليها تنجلي , يابو الطاقية المخملِ , إن كان بدك تجي أو انشالله عمرينك ما تجي , بصراحة متل اجري , ما بحب طاقيتك لأنو شكلها أوبلي , بتذكرني بواحد عرض علي انو تكون الي ...الخ .

بعرف انو وجهي بيقطع الخميرة من البيت , وما حدا لح يجي عبالو لا يدردش ولا يهلوس , شلة دريسة بعرفكم , والدليل كروب "راسبون بلا حدود" ما كمل الخمسين عضو , بس انو جربوا تهلوسوا , وحياة حياة .. مافي أحلى من الهلوسة , لشو توجعو راسكم بالتفكير , بصراحة أنا اتخذت قرار انو خلي راسي لدق فيه شي بسمار مو بمحلو , أو هدّ شي حيط طالع بنص الطريق , خليني استفاد منو ولو :p .

ملاحظة :
بهالموضوع الحكي بالمجتمع , والدراسة , والعلم , والفلسفة , والـNLP , والميثولوجيا , والإقتصاد , وبالأحوال النفسية والشخصية والمالية , وبرجك اليوم , وبرجك بكرة , وبرج إيفل , وبوجهك عالبيت , ومشكلة السكن , والمازوت , وترسيم السيارة , وضريبة النظافة , وقطع الكهربا , التوتر العالي والواطي , وأي حدا بيعرف حدا واطي , وبأحوال رفاقنا بنيكاراغوا وأنغولا والفليبين وفيتنام وكوبا والصين الشعبية وألمانيا الشرقية وكوريا الشمالية والعراق وفلسطين ولبنان , وحتى حومص والسلمية والجزيرة , ممنوع منعاً باتاً , حلوة باتاً مهيك ؟؟ , المهم , منرجع لموضوعنا , ممنوع تحكوا باي شي الا بالدردشة , وتكون بنكهة الهلوسة حصراً , هلوسوا لنشوف , وبلا كتر حكي وبيع وطنيات , نشروا غسيلكم , الوسخ والنضيف , والي ما بعرف كيف , وهيدا مش رأي , أنا ما بعطي رأيي , أنا بفرض رأيي , هيدا قرار , بركي هالوطن الكبير , والحنون , بيتركلنا كم روقة نخربش عليهن , يعتبرن مسودة , بس يتركن .
هلوسوا تشوف , والي ما بيهلوس والله لساوي أداني وأدانو أربعة .

إرخي القصة شو بدك عيف , إنسى القصة شو بدك عيف .

شو ناطرين ؟؟؟ , عم قلكم هلوسوا .

ههههههههههههههههههه

جد صرت أهلوس

هههههههههههههههههه

مشكور حبيبي ع موضيعك الحلوى متلك

مشكور ع مرورك طيبت صفحتي بريحة اسمك

ع راسي حبيب

هي ريحتك

هههههههههههههه

هو انا بصراحة ما تعبت حالي بقراية هل جريدة بس ع كل حال يعطيك العافية
ههههههههههه